1. Ma'lumotlar manbai. Fayldagi ma'lumotlar ochiq davlat reyestrlari va boshqa ommaviy manbalardan yig'ilgan. Orginfo.uz ularning to'liqligi, dolzarbligi va aniqligini kafolatlamaydi: tashkilot ma'lumotlari reyestrda o'zgargan, tugatilgan yoki xato kiritilgan bo'lishi mumkin.
2. Narx va to'lov. Narx filtr bo'yicha topilgan tashkilotlar soniga qarab pog'onali hisoblanadi va to'lovdan oldin ko'rsatiladi. Summa shaxsiy kabinet balansidan yechiladi. Balans Payme yoki Click orqali to'ldiriladi, to'lov cheki shu tizimlardan olinadi.
3. Fayl. CSV fayl to'lovdan keyin avtomatik tayyorlanadi va uni «Mening xaridlarim» bo'limidan qayta yuklab olish mumkin. Fayl xarid paytidagi tashkilotlar ro'yxatini aks ettiradi. Yangilangan ma'lumot kerak bo'lsa, yangi xarid qilinadi va to'liq narx to'lanadi.
4. Pulni qaytarish. Fayl tayyorlangandan keyin to'lov qaytarilmaydi. Texnik sabab bilan fayl tayyorlanmasa, mablag' balansingizga qaytariladi.
5. Ma'lumotlardan foydalanish. Xaridor ma'lumotlardan O'zbekiston Respublikasi qonunchiligiga, jumladan «Shaxsga doir ma'lumotlar to'g'risida»gi va «Reklama to'g'risida»gi qonunlarga muvofiq foydalanish uchun o'zi javobgar. Ma'lumotlardan firibgarlik, spam va qonunga zid boshqa maqsadlarda foydalanish taqiqlanadi.
6. Tarqatish. Faylni yoki undagi ma'lumotlarni uchinchi shaxslarga sotish, ommaga e'lon qilish yoki boshqa ma'lumotlar bazalarini yaratish uchun tarqatish taqiqlanadi.
7. Yashirilgan ma'lumotlar. Telefon raqamini yashirish xizmatidan foydalangan tashkilotlarning telefon raqami faylga kiritilmaydi.
8. Javobgarlik. Orginfo.uz ma'lumotlardan foydalanish natijasida yuzaga kelgan har qanday zarar uchun javobgar emas.
9. O'zgarishlar. Shartlar o'zgarishi mumkin. O'zgarganda keyingi xariddan oldin yangi shartlarga qayta rozilik so'raladi.
